Plantun de Prouvènço

Pèr coumpara dos planto d'encò nostre

Pilosella anchusoides & Zygodon rupestris

Pilosella anchusoides

Asteraceae Compositae

Nom en français : Piloselle faux buglosse.

Descripcioun :
Aquesto peludello trachis dins li tepiero seco e li garrigo. Es uno planto forço peludo d'en pertout ço que i'a douna lou noum de fausso-lengo-de-biòu (= faus Anchusa). Fai partido dóu group de peludello que fan uno paumo pourtado pèr uno cambo mai o mens longo. Apoudèn qu'aquesto planto èi bèn verdo o un pau rouginasso mai pas jamai verdalo au contro de Pilosella visianii.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1 à 1,5 cm
Flourido : Printèms - Estiéu

Sòu : Ca
Autour basso e auto : 100 à 1600 m
Aparado : Noun
Mai à juliet

Liò : Tepiero seco - Garrigo
Estànci : Mesoumediterran à Mountagnard
Couroulougi : Éuropenco-Sud-Ouèst
Ref. sc. : Pilosella anchusoides Arv.-Touv., 1880

Flouquet-dis-aubre

Zygodon rupestris

Orthotrichaceae

Nom en français : Houppe des rochers.

Descripcioun :
Aquelo mousso coumuno acroucarpo d'aperaqui 1 cm d'aut, se vèi bèn sus li pège d'aubre (pin, éuse, roure...). Li tijo soun dreissado en "C" e s'envertouion un cop seco. I'a un mouloun de rizouïde brun e papilous à la baso. Li fueio de 1,5 mm de long soun en formo de lanço emé uno costo que s'acabo en pouncho. Fai raramen d'espouroufite, pamens i'a proun de proupagulo (fotò) sus li bord di fueio.

Usanço :
Lou flouquet-dis-aubre èi lou mai coumun di Zygodon au nostre. Zygodon viridissimus s'atrovo dins li fourèst mai fredo dóu Neckeretea complanatae ; si fueio soun mai torso e si proupagulo diferènto.